- भारतीय वैद्यकीय संशोधन परिषद (ICMR) कडून एक Expression of Interest म्हणजेच आमंत्रणपत्र जारी करण्यात आले आहे. हे आमंत्रणपत्र निपाह व्हायरससंदर्भात आहे.
- या आमंत्रणपत्रात म्हटले आहे की देशातील सर्व कंपन्या आणि उद्योगांना आम्ही आमंत्रित करतो की त्यांनी आमच्यासोबत निपाह व्हायरसविरुद्ध मोनोक्लोनल अँटीबॉडीज विकसित करण्याचे काम करावे.
- भारतीय वैद्यकीय संशोधन परिषदेने पात्र संस्था, कंपन्या आणि उत्पादक यांना निपाह व्हायरल आजाराविरुद्ध मोनोक्लोनल अँटीबॉडीज विकसित आणि उत्पादन करण्यासाठी आमंत्रित केले आहे.
- मोनोक्लोनल अँटीबॉडीज हे प्रयोगशाळेत तयार केलेले प्रथिने आहेत, जे रोग आणि परकीय पदार्थांपासून संरक्षणासाठी शरीरातील प्रतिकारशक्ती प्रणाली तयार करत असलेल्या नैसर्गिक अँटीबॉडीजच्या वर्तनाची नक्कल करतात.
- अँटीबॉडी स्वतःला अँटिजेन (हा एक परकीय पदार्थ असतो, जो सामान्यतः रोग निर्माण करतो) याला जोडतो आणि प्रतिकारशक्तीला तो पदार्थ शरीरातून नष्ट करण्यात मदत करतो.
- मोनोक्लोनल अँटीबॉडीज विशेषतः काही ठराविक अँटिजेनला लक्ष्य करण्यासाठी डिझाइन केलेले असतात.
- निपाह व्हायरससाठी मोनोक्लोनल अँटीबॉडीजचा वापर संसर्गाच्या सुरुवातीच्या टप्प्यात रुग्णांमध्ये केल्यास व्हायरल लोड कमी करू शकतो आणि आजाराची प्रगती मर्यादित ठेवू शकतो.
- निपाह व्हायरस हा झूनोटिक व्हायरस म्हणूनही ओळखला जातो. जुनोटिक व्हायरस म्हणजे असा व्हायरस जो प्रामुख्याने प्राण्यांकडून माणसांमध्ये पसरतो. हा व्हायरस पॅरामिक्सोव्हिरिडे (Paramyxoviridae) या व्हायरस कुटुंबाशी संबंधित आहे.
- या व्हायरसचा प्रादुर्भाव सर्वप्रथम मलेशिया (1998) आणि सिंगापूर (1999) येथे आढळला. दक्षिण आशियात हा प्रामुख्याने भारत आणि बांग्लादेशमध्ये दिसून येतो आणि हेच दोन्ही देश या व्हायरसचे पहिले नोंदवलेले केंद्र होते.
- निपाह व्हायरसचा संसर्ग प्रामुख्याने फ्रूट बॅट म्हणजेच फ्लाइंग फॉक्स या वटवाघुळांमुळे होतो. हे वटवाघुळ निपाह व्हायरसचे नैसर्गिक वहनकर्ते (host) असतात. याशिवाय हा व्हायरस पाळीव डुकरांमध्येही आढळतो.
- हा व्हायरस अत्यंत घातक आहे कारण त्याचा संसर्ग दर (transmission rate) तुलनेने कमी असला तरी त्याचा मृत्यूदर अत्यंत जास्त आहे — सुमारे 40% ते 75% पर्यंत. सध्या या व्हायरसविरुद्ध कोणतीही लस उपलब्ध नाही. त्यामुळे मोनोक्लोनल अँटीबॉडीज हेच सध्या उपलब्ध असलेले सर्वात प्रभावी जैव-वैद्यकीय (biomedical) उपाय आहेत.
Source The hindiu ,D.ias